Pantun Dawan

Ok tuik ana maluna ‘teke

Malun’am namasat kuan mateka

Suf Muit ana abit kua-nanan

Na sufam na masak ailo kasian

 

Pen paus noni asaitan amnahas

Muti Ma Molo Ukanab ko bi Noni

Bi non amasat aleo nekaf

Kalu mlomet at tnaokuk neo bi noni

 

U’kaes no ‘keka Men-meno bok-boko

Mais men’o masnale ma’upa ma’ota

Binon met ana, ‘nak fun buse

Lak noe mam lak tasi na Bokon Tunan

 

Aul Ais Noni Ma Iun Fua Kase

Muti ma Molo, Mate ma Me

Bi ‘Po molo ma Kil Faut Noni

Kais muto’at oin  Au ka Pua kof

 

Suin tap noni bi nes kasian

Faki utapat Ae Nesnan Mae

Li Meon tuk Ana A Pao Kua Le’u

Npoi ma Nao ae Nmaen Kuan

 

Bok suf molo a poit non-noka

Na min oni, Oen Babu ntai

Bi Mol amasat abita Nu’uf

Makuke ma namasat Naimnuke kan ki’af

 

‘Tel-Kek Neno Alisan Hanaf

Hae Mlisnam Nahanat Nekak kan Ki’af

Li Moen Met Ana Aklaiba Hanaf

Mu Klaiba Mulalit Bisopo kan Tupaf

Salam,

Atoin Kuan

Pantu Dawan

Son biok neno a bikon ikon

Bikon nalalit an biuk nan tene

Li Moen muin ana ma ‘pon hae poho

Nak titi nalalit nak tit’in tene

 

Bik lus neno a Lusu Fai

Lusu nalalit ai lo kasian

Au neke nmofot au tek ho kanam

‘Tekam ulalit na u san-sain ah

 

‘Tib Tuik Noni Ma Toeb Noin Fatu

Nalimam Namasat na Kuan Bi Fatu

Li Moen Muin Ana ma Aul Ais Noni

Ma alu ma namasat na Kuan Bi Ninu

 

Koe ‘Po Molo Tau Ma’eke

Ham Sae Ham Seo an Ha’ek nisko

Bi Sop Mol Ana Ta’u Ma’eke

Ham Fena Sul Ana tan Ki’un Nabala

 

Aus Meon Molo A liu Lu Fui

Hati ha nemat kanam’am na nao

Mais Ae Tuanan Hati

Na bikon Iuknam na’ Nem

 

Hau Aisulu Ma Ini ‘Piol

‘Toil na Ma Nao Na Mis’um na Lit

Li Moe An Mese Abit Kua Nanan

Na So’o Sene na Lite Ma Nao

 

 

 Salam,

Atoin Kuan